Category: História kalimera

Chegam as 1ªs imagens do Roteiro Hortera e dos momentos iniciais da Festa no CSA do Sar

                                                      Na sede das compas do nosso cicerone
                                Á caça dum autêntico picheleiro (mochila e sándalias com calcetins)

                                                                 Pousando coa nossa caça

                                                       Remate alcólico numha taberna tipical compostelã

                                                 Nosso picadiscos mais histórico: Ángel do bar Olvido

Seguide enviando…



FESTA HORTERA 2017 !!! Já temos data e lugar: Sábado 17 junho no CSOA Escárnio ¡¡¡¡

Na Kalimera seguimos trabalhando para começar a nossa emissom regular e índa que até hoje nom fumos quem de ponher o “estrimim” a rular bem e índa que a antena segue sem atopar telhado onde ser instalada (seguimos buscando onde poder colocar o emissor e a antena para a emissom via fm, no 107.9 do dial; e se tu tês um sítio em alto que oferecer nom duvides em contatar com nós clicando acá), acordamos em assembleia ir fazendo programas no nosso estúdio da Casa do Peixe (CS do Sar) ou desde qualquer outro lugar e grava-los e ir colando nesta nossa página os podt-casts respetivos.

E como nom estamos quedas, tamém estamos já argalhando o que vai ser a nossa XXII FESTA HORTERA, que desta volta imos celebra-la em Sábado 17 de junho no CSOA Escárnio e Maldizer e coa problemática do turismo invasivo que padecemos as residentes nesta cidade como leitmotiv da festa.

De momento é tudo quanto imos avançar do que estamos preparando, mas se tendes interés vos recomendamos vissitar esta página de quando em vez. Além podemos desvelar que temos a intençom de incorporar a possibilidade de cantar ao vivo versons de cançons populares, a sumar as apresentaçons em play-back; mas já adiantamos a obriga de achegar-nos a música (tanto se é no nosso já classico formato play-back, quanto seja na novidosa modalidade da versom, para que vos pedimos que quanto menos traizades gravadas as bases).

Seguiremos informando, manter-vos espertas á espera e ide preparando vosso disfarce e vossa atuaçom estelar para nosso novo FESTIVAL da CANÇOM ESPANHOLA i ESTRANGEIRA



Já está rulando a nossa emissom via streaming!! “Ao Vivo”!!

Imos aos poucos amanhando os erros e solucionando os problemas que vam jurdindo; mas já estamos achegándo-nos á situaçom ideal para começar a emitir coma sempre, com umha grelha que vai estar cheinha de programas feitos por nós e por gentes de rádios amigas, além de música de continuidade e cunhas da nossa feitoria; cunhas que, polo de agora, é o que soa na nossa “EMISSOM AO VIVO” da coluna da direita.

Andáde-vos à espreita porque em breves começamos!!!!



Benvida á sociedade paralela da Casa do Peixe!! Crónica da Romaria x Punkostela

Colamos acá a magnífica crónica que publicaram as gentes de Punkostela -que já formam parte dessas novidades previstas na nossa grelha quando começemos a soar- tanto na sua web como no seu feisbuk e onde além fam esta presentaçom da mesma (ver mais fotos nas ligaçons):
A semana pasada fixemos vida no CSA do Sar celebrando o seu terceiro aniversario. Este artigo é testemuña dos eventos nos que nós estivemos. Esperemos que sirva como alento para aqueles que quedaron sen folgos. Hai que seguir.
* Graciñas á A Kalimera Rádio Livre, á Xuntanza Antiprohibicionista, aos grupos que deron caña o sábado e a toda a xente que fai posible a vida dos CSA.

Escolle pagar cinco euros pola entrada do garito e outros sete por unha copa de garrafón. Escolle escoitar música repetitiva e absurda que non fala de nada pero que é omnipresente por culpa dunha industria podre de millóns. Escolle que un tipo grande te mire por riba do ombro e non te deixe pasar se os teus zapatos non lle parecen o suficientemente caros. Escolle ter conversas absurdas sobre temas superficiais que non che importan con xente que non che aporta nada, a berros baixo as luces epilépticas dunha gran discoteca. Escolle perpetuar o comportamento heteropatriarcal garrulo e non pagar se es unha moza para te converteres no producto á venta. Escolle perder o tempo e voltar á casa coa carteira e a cabeza baleiras, lamentando esta merda de noite igual que as demáis. Escolle facer o de sempre coa marea de xente á que nunca lle deu por reflexionar, preocuparte polo que vas levar posto e sentirte insegura por culpa dun canon de beleza que atafega o verdadeiro atractivo das persoas. Escolle ser unha máis na engranaxe dunha sociedade enferma e inactiva.

Ou non.



Crónica da inauguraçom do estúdio no CSA do Sar. Adiamos a emissom on-line

Denantes que nada desculpas por nom ter podido cumprimentar nossas perspectivas de ter todo a ponto para que ontem día 17 ás 17 hs começaramos nossa emissom via streeming. Assim que se fuches das que desde ontem estivestes fuchicando na nossa web no nosso novo apartado da coluna direita “Emissom ao vivo” para tratar de escutar-nos sem consegui-lo, que saibas que o erro está em nós, no ponto de partida, dado que pese a estar até o último momento tratando de conseguir emitir, nom fomos quem por causas que nos superarom e que nom entravam nos nossos planos previstos, dado que o servidor do streeming nom nos valeu como tal e tivemos que optar por adiar o começo da emissom até novo avisso, que será anunciado nesta mesma página web e mais na nossa conta de feisbuk. Para ser sinceiras na kalimera já estamos afeitas a que nos passem estes imprevistos com o que no-lo tomamos com acalma e para ser a priem ira vez que nos enfrontavamos ao reto de emitir via internet, ia ser muito que nos saira a primeira.

Mas além disso as kalimeras todas concordamos em valorar que foi umha data memorável, digna de ficar entre os grandes momentos desta rádio livre que já vai polos 25 anos de existência. A grande assintência de gente com ganhas de conhece-lo estúdio e a multitude de propostas de programa (há mais de 20 programas previstos para nossa grelha) demonstram o acertado das nossas últimas ubicaçons compartilhando espaço num centro social como bem a ser agora a Casa do Peixe.



“A Kalimera, 25 anos na pola” – Minha viagem de ida e volta

Velaiquí a história vivida por um kalimero nesta Ràdio Livre

crazy_gallina_by_sr_manicomio

 



FESTA HORTERA 2012 .- CURRUPTELAS E A RACHAR !!!

Tal e como já anunciaramos,

a 17ª ediiçom da Festa Hortera neste ano 2012 já tem data e lugar de celebraçom:

Data e Hora:

Mércores 16 de Maio (véspera do Dia das Letras, feirado em toda Galiza e da “Ascensión del Señor”, festas locais de Compos) apartir das 21 horas (com pontoalidade típica e tópica)

Lugar:

Discoteca Sarela .- Onde contaremos com umha ampla Carpa

tipo polveira para o XVI Festival da Cançom Espanhola e Estrangeira e umha sala da discoteca para seguir a Festa até a madrugada.

Assim que Ide preparando os vossos Playbacks para subir a demonstrar a vossa valia.

CURRUPTELAS E A RACHAR !!!

Preço:

A entrada solidária será de 5€ + a Vontade * (a recaudaçom na íntegra irá em Apoio à Kalimera e Que som 5 € ao ano para ajudar a manter esta rádio livre nas ondas????)

Assim que: Que nom fique ninguém afora !!

* A recaudaçom da barra será para a disco ( acordarom-se preços módicos )

 

 

 



FESTA HORTERA 2012 .- Já temos data e lugar ¡¡¡¡

Pois é-nos grato comunicar-vos que a 17ª ediiçom da Festa Hortera neste ano 2012 já tem data e lugar de celebraçom:

Data:

Mércores 16 de Maio (véspera do Dia das Letras, feirado em toda Galiza e da “Ascensión del Señor”, festas locais de Compos)

Lugar:

Discoteca Sarela .- Onde contaremos com umha ampla Carpa tipo polveira para o XVI Festival da Cançom Espanhola e Estrangeira e umha sala da discoteca para seguir a Festa até a madrugada.

Assim que idei preparando os vossos playbacks para subir a demonstrar a vossa valia.

Em quanto tenhamos o cartaz descobriremos a nossa temática.



FESTA HORTERA 2012 .- Já temos data e lugar ¡¡¡¡

Pois é-nos grato comunicar-vos que a 17ª ediiçom da Festa Hortera neste ano 2012 já tem data e lugar de celebraçom:

Data:

Mércores 16 de Maio (véspera do Dia das Letras, feirado em toda Galiza e da “Ascensión del Señor”, festas locais de Compos)

Lugar:

Discoteca Sarela .- Onde contaremos com umha ampla Carpa tipo polveira para o XVI Festival da Cançom Espanhola e Estrangeira e umha sala da discoteca para seguir a Festa até a madrugada.

Assim que idei preparando os vossos playbacks para subir a demonstrar a vossa valia.

Em quanto tenhamos o cartaz descobriremos a nossa temática.



Adiamos a FESTA HORTERA

DESTA VOLTA AS MEIGAS NOM ESTÁM COM NÓS

Na NASA nom colhia a gente, e quando acordamos faze-la ao ar livre em 16 de maio na praça dos Bombéiros, vam e adiantaromse-nos no pedido ao concelho por só uns minutos um grupo de gente que, seica, vam fazer algo de mistura de sons ou assim e “curiosamente” pediram para o mesmo dia e na mesma praça.

Dizemos “curiosamente” porque causa-nos certa estranheza que depois de muitíssimo tempo sem que ninguém figera nada nessa praça e justo quando nos já estavamos dizendo à gente achegada que iamos faze-la nessa data e nessa praça, vam esta gente ao concelho, justo uns minutos antes que nós, e pedem quatro dias para a sua história (14, 15, 16 e 17 de maio) e por esses malditos minutos tiverom preferência da sua solicitude, e para mais, quando a concelheira do Casco Histórico fala com eles e da-lhes a escolher qual dia dos quatro querem, vam eles e colhem o 16 ( o único día que nós pediramos e queriamos por ser prévio a festivo e para evitar coincidir com a Festa do Dezasete da Gentalha ) e ficam tam anchos, e nom é por mal pensar, mas suponhemos que saberiam ( mesmo de mao da concelheira ou polo ruxe ruxe )  que havia umha outra gente (nós) que pediram esse dia.

Assim pois, e pese ao nosso querer, vimo-nos na obriga de adiar a data da FESTA HORTERA e presumivelmente temos preferência para usa-la praça em sábado 18 de junho ( se as meigas estám com nós )

De todas, assim temos mais tempo todas para preparar melhor o vosso “play-back” e subir a trunfar no cenário da Festa.