Category: Mala Reputaçom

MALA REPUTAÇOM 8

10309660_858948704119127_7547179390273114013_n

Com a demora que já é habitual em nós, Mala Reputaçom volta com contra-informaçom e boa música.  Nesta oitava ediçom falamos de novo de repressom no estado espanhol e entrevistamos a Antia Balseiro, umha das 6 estudantes detidas em Compostela por supostamente terem participado nos distúrbios das mobilizaçons do cerco. Ademais, repassamos alguns dos factos mais destacados da actualidade internacional, denunciamos os últimos assassinatos machistas na Galiza, comentamos as manifestaçons do 1º de Maio e charlamos com Eva Rei, membro da Gentalha do Pichel, para animar-vos a assistir à Festa do Dezassete. E como broche final, continuamos descubrindo novas músicas na nossa secçom temática, esta vez dedicada ao psychobilly. Alguém dá mais?

Secçom Temática:

THE METEORS-“Wrekin crew”

GUANA BATZ-“Just love me”

KING KURT-“Zulu beat”

LOS COYOTES-“Extraño corte de pelo”

LOS DESPIADADOS-“Mi novia quiso convertirme en un zombie”




MALA REPUTAÇOM 7

 

Eis umha nova ediçom de Mala Reputaçom que nom vos podedes perder! Na nossa habitual secçom contrainformativa fazemos um breve percorrido polos factos mais destacados acontecidos à volta das Marchas da Dignidade de Madrid, denunciamos a violência machista neste março dramático, repassamos mobilizaçons, escuitamos à juventude basca recentemente julgada pola sua militância em SEGI e dedicamos umhas palavrinhas a Adolfo Suárez. E na secçom temática, sempre descobrindo cousas novas e despertando a vossa curiosidade, apresentamos-vos os sharpies australianos e pinchamos alguns dos temas mais representativos desta “subcultura”. Que, apetece-vos?

Secçom Tematica:

Lobby Loud-“What I want”

Coloured Balls-“Heavy Metal kids”

Skyhooks-“Living in the 70s”

Hush-“Get the feeling”

Angels-“Running wild”




MALA REPUTAÇOM 6

Após um tempinho afastadas das ondas aqui estamos outra vez dando guerra! Começamos esta sexta ediçom repassando as origens históricas do Dia da Mulher Trabalhadora e a manifestaçom feminista em defesa do aborto livre e gratuito decorrida em Compostela o passado 9 de Março. A seguir, falamos da luita da frota do cerco e dos últimos julgamentos políticos a militantes independentistas e comunistas na Audiência Nacional espanhola, fazemos umha breve reflexom sobre luita de classes e violência legitima e rematamos de relax com umha modesta introduçom ao Northern Soul. Preparade os vossos ouvidos, isto é Mala Reputaçom!

descarga

Secçom Tematica:
Frank Wilson-“Do I love you”
Candy and the kisses-“The 81”
Rosie Batiste-“Hit and Run”
The Showstoppers-“Aint nothing but a house party”
The Devonnes-“Im gonna puck up my toys(and go home)”
The Sapphires-“Gotta have your love”




MALA REPUTAÇOM 5

Umha semana mais aqui chega Mala Reputaçom. Nesta ocasiom tratamos os últimos acontecementos na Ucrânia e na Venezuela superando as barreiras da desinformaçom dos meios burgueses, repassamos a crônica negra das últimas semanas no estado espanhol com a massacre de Ceuta e a morte do preso basco Arkaitz Bellón e voltamos à Galiza para dar conta dos protestos contra o ex-magistrado da Audiência Nacional Baltasar Garzón na USC, o despejo da Sala Yago em Compostela e as últimas manifestaçons em defesa da sanidade pública em Vigo e Ponte Vedra. E por se fosse pouco, dedicamos a nossa secçom temática ao punk feminista e subversivo do movimento Riot Girls. Nom o duvides: dá-lhe ao play!

tumblr_lzunzqWcGc1qkkgzf

Secçom Temática:

X Ray Spex-“I am a cliche”

Bikini Kill-“Dont need you”

L7-“Fast and Frightening”

Bratmobile-“Gimme Brains”

Las Otras-“Rivales”

Sect-“Dreaming”




MALA REPUTAÇOM 4

wert
Mala Reputaçom está de volta com um programa especial dedicado à greve estudantil que terá lugar na Galiza o próximo 20 de fevereiro e no que falamos com representantes das três organizaçons convocantes: Antia Balseiro de AGIR, Carlos García dos Comités Abertos e Lucía Dalama da Liga Estudantil Galega. Se ainda nom sabes por que deves secundar a greve e assistir às mobilizaçons, escuita-nos; e se já o sabes, nom deixes de escuitar-nos!




MALA REPUTAÇOM 3

images-stories-ceivar-maxresdefault-702x183

Já está aqui Mala Reputaçom! Desta volta falamos com Raul Agulleiro, da plataforma cidadá Que Voltem para a Casa, sobre a VIII ediçom da Marcha às Cadeias, a situaçom dos presos independentistas galegos, a dispersom e muito mais. E alem das habituais notícias, dedicamos grande parte do programa a “reflexionar” sobre as ligaçons entre o punk e o reggae com ajuda do fanzine Street Kids e, como nom, da melhor música. Que o desfrutem.

Secçom Temática:”Punk meets reggae”.

Culture-“Two sevens clash”

The Clash-“Police and Thieves” (Junior Marvin)

The Members-“Stand up and spit”

The Ruts-“Babylons burning”

Stiff Little Fingers-“Mr Fire Coal Man”

The Selecter-“two much pressaure”

 

 




MALA REPUTAÇOM 2

Após um mês de ausência voltamos mais antipatriarcais que nunca. Nesta ediçom analisamos o anteprojeto de Lei do Aborto do Gallardón com Alicia Prego, trabalhadora social e estudante de Psicologia, Pilar Estévez, integrante da MMM e da Plataforma Galega polo Direito ao Aborto, e Helena Sabel, Responsável da Mulher de BRIGA e também integrante da Plataforma. Ademais, oferecemos-vos um breve repasso às luitas populares mais destacadas das últimas semanas no estado espanhol, na Galiza e na Europa. Passem e escuitem, isto é Mala Reputaçom.

Gallardon-aborto1




MALA REPUTAÇOM 1

018_angela_davis_theredlist

Falamos para as desempregadas e para os explotados, para as oprimidas e os repressaliados, para quem quere ouvir-nos e para quem necessita faze-lo. Temos muito que dizer e sabemos a quem dizer-lho, e por isso estamos aqui: para tratar situaçons e ideias silenciadas nos médios de comunicaçom do sistema, aprofundar na realidade de forma crítica, sacudir conciências e converter as ondas noutra ferramenta de luita revolucionária. Para partilhar com vós a nossa visom do mundo, a nossa interpretaçom do lixo que nos rodeia. Berrar, denunciar, reivindicar, insultar e rebelar-nos, e nom pedir perdom por nom ser politicamente correctas. Queremos cuspir na cara dos patrons e das carceleiras, dos banqueiros e dos políticos, das empresárias, dos machistas, dos homófobos, das racistas, de polícias e militares e de todas as mentes estreitas e grandes carteiras que dominam o mundo. Queremos ser a voz dos sem voz, queremos trazer-vos as batalhas cotias do nosso e doutros povos, com as suas derrotas e vitórias. Sem grandes ambiçons, mas com as ideias claras.

Somos o remédio contra a alienaçom, somos a bofetada contra a indiferença, e estamos aqui para ficar. Somos as párias da terra e contra o inimigo nos chama o dever. Bem-vindas e bem-vindos a MALA REPUTAÇOM.

Secçom Temática, livro “Mil Violines” de Kiko Amat.

Mose Allison- “I am smashed”

The Chords-“Maybe Tomorrow”

Jimi Webb-“Met her on a plane”

The Fleshtones-“Hexbreaker”